Հայաստանի դեսպանի այցելությունն Ամերսֆորտ և Royal Beverages ընկերություն

08 ապրիլի, 2022

Ապրիլի 8-ին դեսպան Տիգրան Բալայանն այցելեց Ամերսֆորտ, ուր հանդիպում ունեցավ քաղաքապետ Լուկաս Բոլսիուսի հետ։

Հանդիպմանը քննարկվեցին տեղական ինքնակառավարման և քաղաքների արյունավետ կառավարման ոլորտներում Հայաստանում նիդերլանդական փորձի ներդրման հնարավորությունները։

Ամերսֆորտ այցելության շրջանակում դեսպան Բալայանն այցելեց Royal Beverages (Նիդերլանդներ հայաստանյան ալկոհոլային արտադրանքի հիմնական ներկրող) ընկերության կենտրոնական գրասենյակ։

Տիգրան Բալայանը շրջայց կատարեց Royal Beverages-ի կենտրոնական պահեստում, ծանոթացավ Հայաստանից ներկրվող արտադարանքի տեսականու ընդլայնման ուղղությամբ ընկերության կողմից տարվոր հետևողական աշխատանքներին՝ վերահաստատելով դեսպանության կողմից տրամադրվող համակողմանի աջակցությունը։

Royal Beverages-ի հիմնադիր տնօրեն Արտակ Դանիելյաի և Եվգենիա Դավիդյանի հետ հանդիպմանը դեսպան Բալայանը քննարկեց Նիդերլանդներում հայկական արտադրության խմիչքների սպառման ցանցի ավելացման նպատակով իրականացվող քայլերը և դեսպանության հետ ակտիվ փոխգործակցությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր